Անգլիական "Մանչեսթեր Սիթիի" արաբ սեփականատերերը պատրաստ են մոտ 50 մլն ֆունտ հատկացնել Ռոբերտո Մանչինիին ձմեռային տրանսֆերների համար. տեղեկացնում է The Sun-ը:

Վերջերս "քաղաքաբնակները" բաց թողեցին Պրեմիեր լիգան գլխավորելու իրենց հնարավորությունը` պարտվելով լիվերպուլյան "Էվերտոնին":

Բայց այժմ իտալացի մասնագետը հնարավորություն ունի ամրապնդել իր թիմի կազմը հունվարյան տրանսֆերային պատուհանի ժամանակ և ավելի մարտունակ լինել:

Այս ամենի գլխավոր նպատակն է ձեռք բերել նոր հարձակվողի, որը կթեթևացնի թիմի առաջատար ֆուտբոլիստ Կարլոս Տևեսի գործը, ով վերջերս խնդիր էր ունեցել ակումբի հետ: Ավելի վաղ ... Կարդալ ավելին

Գերմանական «Վոլֆսբուրգը», որն առաջիկա ձմռանն արդեն կարող է զրկվել  իր հիմնական հարձակվողից` Էդին Ջեկոյից, վաղուց փնտրտուքների մեջ է:

Եթե Ջեկոն գնա «Մանչեսթեր Սիթի», որը նրա համար պատրաստ  է վճարել մոտ 35 մլն ֆունտ, ապա գերմանական «գայլերի» կազմը կարող է համալրել «Կայզերսլաուտերնի» խորվաթ հարձակվող Սրջան Լակիչը:

Հիշեցնենք, որ 27-ամյա խորվաթը  թիմում արդեն խաղում է երկու տարի և այդ ընթացքում աչքի է ընկել 30 անգամ: Ընթացիկ մրցաշրջանում նրա հաշվին կա 11 գոլ Բունդեսլիգայի 16 խաղերի ընթացքում: Ինչպես հայտնում են գերմանական թերթերը, հարձակվողի ծառայություններով հետաքրքրված են նաև «Վեսթ Հեմը» և Իսպանիայի առաջնության ակումբներից մի քանիսը:

35 տարեկանում, պատուհանից դուրս նետվելով, ինքնասպան է եղել Ալեքսանդր Կովալենկոն, ով ժամանակին խաղացել է «Դնեպրում» (1996-98), «Շախտյորում»(1998-99), «Մետալուրգում» (1999-2003) և «Կրիվբասում» (2003-04). այս մասին հայտնում են ուկրաինական մամուլի ներկայացուցիչները: Հիշեցնենք, որ Կովալենկոն նաև չորս հանդիպում է անցկացրել Ուկրաինայի երիտասարդական հավաքականի կազմում:

Ֆուտբոլիստի կարիերան ավարտելուց հետո նա մրցավար էր դարձել և սպասարկում էր Ուկրաինայի առաջնության երկրորդ դիվիզիոնի հանդիպումներ` պատշաճ մակարդակով կատարելով իր պարտականությունները: