19:05 "Մանչեսթեր Յունայթեդ"-"Մանչեսթեր Սիթի". այս քաղաքը չափազանց փոքր է երկու գրանդների համար | |
 Վաղը` փետրվարի 12-ին, կայանալու է Անգլիական "Պրեմիեր լիգայի" այս մրցաշրջանի երևի ամենակարևոր խաղը` "Մանչեսթեր Յունայթեդ"-"Մանչեսթեր Սիթի" հանդիպումը: "Յունայթեդի"
անպարտելի հանդիպումների շարքն արդեն անցյալում է, քանի որ Անգլիայի առաջնության նախորդ տուրում "կարմիր սատանաները" մրցակցի հարկի տակ պարտություն էին կրել "Վուլվերհեմթոնից" 2:1 հաշվով, և Անգլիայում բոլորը
հասկանում են, որ Սըր Ալեքսի թիմին հաղթելն, իսկապես, հնարավոր է: "Սիթին" գտնվում է մրցաշարային աղյուսակի 3-րդ հորիզոնականում` առաջատարին զիջելով ընդհամենը 5
միավորով: Սակայն մրցաշարային աղյուսակն ամենևին էլ իր ազդեցությունը չի
ունենա այս հանդիպման վրա, քանի որ այս թիմերը այնքան բան ունեն միմյանց ցույց
տալու ֆուտբոլային խաղադաշտում, որ, միգուցե, դրա մասին մոռանան:Հիշեցնենք, որ նոյեմբեր
ամսին տեղի ունեցած հանդիպումն ամենևին էլ այն չէր, ինչին սպասում էին
շատերը: Վաղը նախանձելի չէ
Մանչեսթեր քաղաքի ոստիկանության վիճակը. նրանք ստիպված
են լինելու կանխել երկու ակումբների` ոչ այնքան նորմալ պահվածքի տեր
ֆանատներին բախումներից: Ըստ պաշտոնական տեղեկությունների` վաղը Մանչեսթերում ալկոհոլի
օգտագործումը լինելու է խիստ հսկողության տակ, իսկ "Օլդ Թրաֆֆորդի"
շրջակայքում ալկոհոլի օգտագործումն ընդհանրապես արգելվելու է:
"Յունայթեդը" լուրջ խնդրի առաջ է կանգնած պաշտպանության կենտրոնում. Ռիո
Ֆերդինանդը վնասվածքի պատճառով չի կարող մասնակցել այդ հանդիպմանը: Իսկ արդեն մի քանի ժամ առաջ պարզվեց, որ չի խաղա նաև Ջոնի Էվանսը: Բայց և այնպես ոչ մի խաղացողի պակասը չի
կարող իր լուրջ կնիքը թողնել նման հանդիպման վրա: Սպասվում է, որ Նեմանյա Վիդիչի
հետ պաշտպանության կենտրոնում կխաղա երիտասարդ Քրիս Սմոլինգը: Դեռևս պարզ
չէ նաև Դարեն Ֆլեթչերի խաղադաշտ դուրս գալու հնարավորությունը. նա խնդիր ունի ծնկի հետ: "Սիթին" ևս որոշակի խնդիրներ ունի. հնարավոր է խաղը բաց թողնի Նայջել Դե
Յոնգը, իսկ Բալոտելլիի վերադարձը ևս կասկածի տակ է հայտնվել: Ադամ Ջոնսոնը ևս չի
ընդգրկվի խաղին: Ստորև Ձեր ուշադրությանն ենք ներկայացնում մանչեսթերյան ակումբների հիմնական կազմերն ըստ goal.com կայքի. "Մանչեսթեր Յունայթեդ"-Վան Դեր Սար, Էվրա, Վիդիչ, Սմոլինգ, Ռաֆայել, Նանի, Քարիկ, Սքոուլզ, Ջին Սուն Պարկ, Բերբատով, Ռունի "Մանչեսթեր Սիթի"-Ջո Հարտ, Բոատենգ, Կոլո Տուրե, Կոմպանի, Կոլարով, Միլներ, Յայա Տուրե, Դե Յոնգ, Սիլվա, Տեվես, Ձեկո | |
|
| |
| Total comments: 0 | |