**Հեղինակավոր Goal.com ֆուտբոլային կայքը տեղեկացնում է, որ Միլանի "Ինտերի" ղեկավարությունը հետաքրքրված է իտալական "Սամպդորիայի" երիտասարդ կիսապաշտպանի` Անդրեա Պոլիի ծառայություններով: 21-ամյա կիսապաշտպանին ձեռք բերելու համար, ում այժմյան տրանսֆերը գնահատվում է շուրջ 10 մլն. եվրո, "ներաձյուրիների" ղեկավարությունը պատրաստ փոխանակության գնալ` "Սամպդորիային" տալով պաշտպան Դավիդ Սանտոնին և ևս որոշակի հավերավճար:

 

**Իտալական Tuttomercatoweb ֆուտբոլային կայքը տեղեկացնում է, որ այժմ Մախաչկալայի "Անժիի" ղեկավարության ուշադրության կենտրոնում է հայտնվել իտալական "Միլանի" կռվարար հենակետային կիսապաշտպան Ջենարո Գատուզոն: Ռուսական ակումբի ղեկավարությունը հույս ունի, որ կկարողանա ձեռք բերել իտալացի հենակետային կիսապաշտպանին մինչև Ռուսաստանի տրանսֆերային պատուհանի փակվելը, որին այդքան էլ երկար ժամանակ չի մնացել:

Հիշեցնենք, որ մի քանի շաբաթ առաջ ռուսական ակումբ էին տեղափոխվել իսպանական Մադրիդի "Ռեալի" նախկին ձախ պաշտպան Ռոբերտո Կառլոսը և այժմյան Բրազիլիայի ազգային հավաքականի կիսապաշտպան Ժուսիլեյը:

**Քաթարյան AP պարբերականը տեղեկացնում է, որ Քաթարի ազգային հավաքականի գլխավոր մարզիչ է դարձել Միլովան Ռաևեցը: Ռաևեցն իր պարտականություններին կանցնի մարտի 1-ից: Քաթարի հետ կնքված պայմանագրի համաձայն նա կմնա հավաքականի ղեկին մինչև 2014թ.-ը:

Նշենք, որ մինչ այդ Քաթարի ընտրանու գլխավոր մարզիչը Բրունո Մետսուն էր, ով իր պաշտոնից պաշտոնանկ էր արվել այն բանից հետո, երբ հավաքականը չէր կարողացել հաղթահարել Ասիայի գավաթի 1/4 եզրափակիչը և դուրս էր մնացել գավաթի հետագա պայքարից:

Հիշեցնենք, որ մինչ այդ Ռաևեցը եղել է Գանայի ազգային հավաքականի գլխավոր մարզիչը, որին ՀԱՀ-ում կայացած 2010թ.-ի ֆուտբոլի աշխարհի առաջնությանը կարողացել է դուրս բերել 1/4 եզրափակիչ, որտեղ 11-մետրանոց հարվածաշարի պատճառով պարտություն էր կրել Ուրուգվայի ընտրանուց: