22:43 Ադվոկատի պատասխանը մեր լրագրողներին | |
Ռուսաստանի ազգային հավաքականի հոլանդացի գլխավոր մարզիչ Դիկ
Ադվոկատը ռուսական "Советский спорт" թերթին տված հարցազրույցում անդրադարձել է հայկական մամուլում վերջերս
տպագրված այն տեղեկությանը, որտեղ նշվում էր, թե իբր ռուսական կողմը դիմել է
Հայաստանին հանձնել առաջիկա խաղը. "Հայկական ԶԼՄ-ների այդպիսի
հրապարակումները տիպիկ պրովոկացիա են: Հայերն առաջին անգամ իրենց պատմության
մեջ հնարավորություն ունեն մտնելու նման լուրջ մրցաշարի եզրափակիչ փուլ:
Միավորների ներկայիս քանակը հայերին թույլատրում է նման բարձրագոչ հույսեր փայփայել, իսկ նմանատիպ հոդվածները բարձրացնում են բնակչության հետաքրքրությունը,
ակտիվացնում են երկրպագուներին: Այդ բոլորը մեզ համար հայտնի մեթոդներ են:
Լրագրողները կարող են ամեն ինչ խոսել, բայց արդյունքում հաղթում են
ուժեղագույնները":
Հավելենք, որ մի քանի օր առաջ հայկական թերթերից մեկում հոդված էր հրապարակվել, թե իբր ռուսական կողմն իրեն նախօրոք ապահովագրելու համար ցանկացել է գնել այս կարևոր հանդիպումը, սակայն իրականում նման երևույթ գոյություն չունի, և այդ ստահոդ լուրերն այսօր պաշտոնապես հերքել մեր ֆուտբոլի ֆեդերացիայի նախագահ Ռուբեն Հայրապետյանը: | |
|
| |
| Total comments: 0 | |