 Թուրինի "Յուվենթուսի" և իտալական ֆուտբոլի լեգենդար հարձակվող Ալեսանդրո դել
Պյերոն` "Յուվենթուսի" պաշտոնական կայքին տված հարցազրույցի ժամանակ նշել է,
որ ցանկանում է կարիերան ավարտել հենց "Յուվենտուսում": Վերջին շրջանում
իտալական ԶԼՄ-ները գրում էին այն մասին` իբր դել Պյերոն նոր պայմանագիր
ստորագրելու համար բարձր վարձատրություն է պահանջում, իսկ թիմի
ղեկավարությունը ցանկություն չունի նրա հետ պայմանագիր ստորագրել. "Ես
կարդացել եմ, թե ինչ են իմ մասին գրում, և դա շատ վիրավորական է: Ես միշտ
նվիրված եմ եղել իմ ակումբին և երկրպագուներին: Փողն ինձ համար ամենևին էլ կարևոր
չէ, ես ժամանակին կարող էի շատ ավելի բարձր գումարով տեղափոխվել այլ
ակումբ, սակայն, ինձ դա ուղղակիորեն չի հետաքրքրում: Այդ պատճառով ես
ցանկանում եմ իմ վերջին պայմանագիրը ստորագրել ինձ հարազատ "Յուվենթուսի" հետ": |