1. "Նյուքասլը" դարձավ առաջին թիմը Պրեմիեր լիգայի պատմության մեջ, որը մրցակցի 4 գոլի առավելությունը չեզոքացրեց:
Անգլիական Պրեմիեր լիգայի 26-րդ տուրի "Նյուքասլ"-"Արսենալ" (հանդիպումն ավարտվել է գոլառատ 4-4 հաշվով) խաղում սահմանվեց լիգայի բացարձակ ռեկորդ: "Կանոնիրները", արդեն 10-րդ րոպեին 3-0 հաղթում էին , առաջին կեսը ավարտեցին 4-0 հաշվով: Բայց ընդմիջումից հետո սեփական հարկի տակ խաղացող "կաչաղակները» կարողացան ֆանտաստիկ վերջաբան կազմակերպել` 4 գոլ խփելով 68-88-րդ րոպեների ընթացքում:

2. "Բարսելոնան" գերազանցեց Դի Ստեֆանոյի "Ռեալի" պատմական ռեկորդը:
Իսպանական "Լա Լիգայի" 22-րդ տուրում կատալոնական "Բարսան" 3 անպատասխան գնդակ ուղարկեց Մադրիդի "Ատլետիկոյի" դարպասը: Սա կատալոնացիների 16-րդ անընդմեջ հաղթանակն էր, որն արդեն իսկ գերազանցում է Դի Ստեֆանոյի ժամանակների "Ռեալի" ռեկորդը, որը 1960-61թթ. մրցաշրջանում անընդմեջ 15 խաղ էր հաղթել:

3. "Մանչեսթեր Յունայթեդի» 30-խաղյա անպարտելի շարքն ավարտվեց:
Կրկին Անգլիա գնանք. "Յունայթեդը" 1-2 հաշվով պարտվեց "Վուլվերհեմփթոնին" վերջինիս դաշտում: Սա "կարմիր սատանաների" առաջին պարտությունն էր 2010 թ. ապրիլին "Չելսիից" կրած պարտությունից հետո: Բացի այդ "Վուլվերհեմփթոնը" դարձավ առաջին թիմը, որն այս մրցաշրջանում սեփական դաշտում հաղթել է և´ "Յունայթեդին",  և´ "Չելսիին":

4. "Լևանտեն" իր պատմության մեջ առաջին անգամ հաղթեց "Վիլյառեալին":
Դարձյալ Իսպանիայում ենք. "Լևանտեն»" 1-0 հաշվով հաղթեց առաջնության առաջատարներից մեկին` "Վիլյառեալին": Սա թիմի պատմության մեջ առաջին հաղթանակն էր "դեղին սուզանավների" նկատմամբ: Հանդիպման միակ գոլը խփվել է խաղի 48-րդ րոպեին Վալդո Լոպեսի կողմից:

                                                                                                                                                                                                                                    Հղումը` TotalFootball.am կայքին