Կատալոնական "Բարսելոնայի" սպորտային տնօրեն Ռաուլ Սանլեխին այսօր Sky Sports անգլիական սպորտային պորտալին տված հարցազրույցում նշել է, որ այսուհետ "կապտանռնագույներին" չի հետաքրքրում Լոնդոնի "Արսենալի" իսպանացի կիսապաշտպան Սեսկ Ֆաբրեգասը. "Ֆաբրեգասը կատալոնացի է ու հոյակապ ֆուտբոլիստ: Նա "Բարսելոնա" ակումբի սան է, ու մեզ համար մեծ երջանկություն կլինի մեր երկրում հյուրընկալելու նրա "Արսենալին" (հիշեցնենք, որ "Չեմպիոնների լիգայի" 1/8 եզրափակիչ փուլի շրջանակներում Վենգերի թիմը խաղալու է Գվարդիոլայի սաների դեմ): Նրա տրանսֆերի մասին այլևս չարժե խոսել, քանի որ ի տարբերություն անցած տարվա, այսօր մենք այլևս չենք հետաքրքրվում նրա ծառայություններով: Մեր ունեցած տվյալների համաձայն Սեսկը չի ցանկանում լքել Վենգերին` իր երկրորդ հորը":