10:38 Ֆերգյուսոնը կրկին դժգոհ է | |
 Անգլիական "Պրեմիեր Լիգայի" առաջատար "Մանչեսթեր Յունայթեդի" շոտլանդացի լեգենդար մարզիչ Սըր Ալեքս Ֆերգյուսոնը բրիտանական թերթերից մեկին տված հարցազրույցի ընթացքում նշել է, որ ինքը գոհ չէ այն հանգամանքից, երբ ազգային հավաքականներն իրենց ընկերական խաղերն անց են կացնում շաբաթվա կեսերին, իսկ ակումբային ծանրաբեռնվածությամբ լի ֆուտբոլիստներն էլ չեն կարողանում վերականգնվել մինչև հանգստյան օրերը, այսինքն` ազգային առաջնության խաղերին լիարժեքորեն չեն պատրաստվում: "Մանկունիացիների" մարզիչն ազգային հավաքականների` շաբաթվա կեսում անցկաց- րած խաղերը որակել է որպես խելահեռություն:"Կարմիր սատանաների" պաշտոնական կայքին տված հարցազրույցի ժամանակ էլ Ֆերգին ասել է. "Մեր հաջորդ մրցակիցը "Սիթին" է: Այդ խաղը մեզ համար մեծ նշանակություն ունի: "Քաղաքաբնակների" հետ հանդիպումը դերբի է, որին ողջ Մանչեսթերն է սպասում: Ցավոք, իմ թիմի մի քանի խաղացողներ այժմ գտնվում են իրենց ազգային հավաքականների տրամադրության տակ: Ընկերական խաղեր անցկացնել շաբաթվա կեսին` ուղղակի խելագարություն է, բայց դե ինչ կարող ենք անել, պետք է համակերպվել: Այսօր մեր մարզաբազայում շատ կան տղաներ, ովքեր հավաքական չեն մեկնել: Նրանք ջանասիրաբար մարզվում են և հաստատ կընդգրկվեն "Սիթիի" հետ խաղի մեր թիմի հայտացուցակում: Իսկ ահա լեգեոներներին մի փոքր հանգստանալու և շունչ քաշելու հնարավորություն կընձեռեմ": | |
|
| |
| Total comments: 0 | |