11:44 Հայաստան-Ռուսաստան. տոմսերի վաճառքը սկսած մարտի 10-ից | |
Ինչպես հայտնի է ֆուտբոլասերներին, փետրվարի 9-ին Հայաստանի ազգային
հավաքականը Կիպրոսում ընկերական հանդիպում է անցկացնելու Վրաստանի ազգային ընտրանու հետ: Այդ առիթով այս օրերին Կիպրոսում է
գտնվող ՀՖՖ պատվի- րակությունը` ֆեդերացիայի նախագահ Ռուբեն Հայրապետյանի գլխավորությամբ: ՀՖՖ նախագահը Կիպրոսում հայկական լրատվամիջոցների հետ շփման ժամանակ կրկին անդրարարձել է մարտի 26-ին
կայանալիք "Եվրո-2012" առաջնության խմբային մրցաշարի շրջանակներում կայանալիք Հայաստան-Ռուսաստան
ընտրական խաղի տոմսերի հարցին: Հայաստանի հանրային հեռուստատեսության
մարզական լրագրողի հետ հարցազրույցում Հայրա- պետյանը նշել է, որ այդ հույժ կարևոր
հանդիպման դեռևս ոչ մի տոմս վաճառքի չի հանվել ու չի վաճառվել: Հայրապետյանը հավաստել է, որ Հայաստան-Ռուսաստան հանդիպման
տոմսերը վաճառքի կհանվեն միայն մարտի 10-ից հետո: Միաժամանակ օգտվելով ընձեռված լավ առիթից` ՀՖՖ
նախագահը կոչ է արել հայ երկրպագուներին, ովքեր տոմսեր ձեռք կբերեն, հանդիպման
օրը "Հան- րապետական" մարզադաշտ ներկայանան խաղի սկզբից առնվազն 30-40 րոպե առաջ,
որպեսզի աջակցեն մեր ֆուտբոլիստներին նաև նախավարժանքի ժամանակ:
Թե ինչ արժեք կունենան այդ հանդիպման տոմսերը, դեռևս հայտնի չէ, սակայն սպասվում է, որ դրանք նախորդների համամատ ավելի թանկ կլինենք` հաշվի առնելով այն հանգամանքը, որ նախ մեր հավաքականը հիանալի խաղային ներկայացումներ է ցուցադրել վերջին շրջանում, ինչպես նաև ավելացել է հայ երկրպագուների` տոմսեր ձեռք բերելու պահանջարկը: | |
|
Total comments: 0 | |