22:40 "Ինտերի" նախկին ֆուտբոլիստը կարող է տեղափոխվել "Փյունիկ" | |
Մոտակա մի քանի շաբաթների ընթացքում Բելեկում Երևանի "Փյունիկին" իր վերջին ուսումնամարզական հավաքն է անցնում արտասահմանում և այսօր հայկական ակումբին կմիանա ֆրանսիացի 22-ամյա պաշտպան Նիկոլաս Դեսենկլոսը, ով ժամանակին խաղացել է իտալական Միլանի "Ինտերում" կազմում։ Նշենք, որ Դեսենկլոսը կարիերան սկսել է ֆրանսիական "Մոնպելյեում", ապա տեղափոխվել է Միլանի "Ինտեր", որտեղ մի պահ հայտնվել է գլխավոր թիմում, սակայն չի կարողացել ամրապնդվել այնտեղ և հիմնականում ելույթ է ունեցել փոխարինողների կազմում։ 2008/09թթ. մրցաշրջանը Դեսենկլոսն անցկացրել է իսպանական "Ռասինգ Ֆերոլում", ապա տեղափոխվել է բելգիական "Էուպեն", որտեղ անցկացրել է վերջին 2 մրցաշրջանները։ Գերմանական transfermarkt.de-ն Դեսենկլոսի տրանսֆերը գնահատում է շուրջ 150 հազար եվրո։ Վերջում հավելենք, որ "Փյունիկը" Բելեկում դեռ երկու ստուգողական հանդիպում է անցկացնելու. Վարդան Մինասյանի սաները մրցելու են Կրասնոդարի "Կուբան" և Ուլյանովսկի "Վոլգա" ակումբների հետ։ Հղումը` ArmSport.am-ին:
| |
|
| |
| Total comments: 0 | |