22:39 Կառլեն Մկրտչյանը հույս ունի մասնակցել Ռուսաստանի հետ հանդիպմանը | |
Հայաստանի ազգային հավաքականի կիսապաշտպան Կառլեն Մկրտչյանը մի քանի ամիս առաջ Կրասնոդարի "Կուբանի" կազմում փորձաշրջան անցնելու ժամանակ վնասվածք է ստացել և դրա ապաքինման համար վիրահատության անհրաժեշտություն է առաջացել: Գերմանիայում կատարված հաջող վիրահատությունից հետո Հայաստանի նախորդ տարվա լավագույն ֆուտբոլիստը մեկնել է Կիպրոս, որտեղ "Փյունիկն" անցկացնում էր ուսումնամարզական հավաք: Նշենք, որ Մկրտչյանը ներկա է գտնվել նաև Կիպրոսում կայացած Հայաստան-Վրաստան ընկերական հանդիպմանը և երեկ փյունիկցիների հետ վերադարձել է Երևան և հանդիպում ունենալով ArmSport.am կայքի լրագրողի հետ` պատասխանել է նրա հարցերին։ Հավաքականի գլխավոր մարզիչ Վարդան Մինասյանն արդեն տեղեկացրել էր, որ վիրահատությունը հաջող է անցել... Իրոք, այն բարեհաջող է ընթացել: Դա բարդ վիրահատություն չէր, և արդեն մի քանի օր հետո Կիպրոսում սկսեցի մարզումներս: Ճիշտ է, դրանք դեռևս ծանրաբեռնված բնույթ չէին կրում, և ես անհատական ծրագրով էի մարզվում: Մի քանի օրից արդեն հնարավորություն կունենամ անցնելու լիարժեք մարզումների: Փորձաշրջանը Կրասնոդարի "Կուբանում" անավարտ մնաց: Հնարավո՞ր է, որ ռուսական թիմից հրավեր ստացվի: Այս հարցում անորոշ վիճակ է: Տեղյակ եմ, որ մարզիչների վրա դրական տպավորություն եմ թողել, իսկ թե կցանկանա՞ն նրանք օգտվել իմ ծառայություններից, դժվարանում եմ ասել: Եթե այդ տեղափոխությունը, այնուամենայնիվ, չկայանա, շա՞տ կվհատվես: Չեմ վհատվի, այլ պարզապես կափսոսամ: Չարաբաստիկ վնասվածքը ստացա շատ անհարմար ժամանակ, սակայն ոչինչ անել չես կարող. ոչ մի ֆուտբոլիստ ապահովագրված չէ վնասվածքներից: Եթե չկայանա տեղափոխությունս, կշարունակեմ հանդես գալ "Փյունիկում": Այժմ առավել կարևորում եմ այն, որ որքան հնարավոր է շուտ լավ մարզավիճակի մեջ մտնեմ: Իսկ կհասցնե՞ս պատրաստ լինել մարտի 26-ին Ռուսաստանի հավաքականի հետ կայանալիք ընտրական հանդիպմանը: Ամեն ինչ ինձնից է կախված: Հուսով եմ` մինչև այդ կարևորագույն հանդիպումը ձեռք կբերեմ լավագույն մարզավիճակ և կմասնակցեմ խաղին: Փետրվարի 21-ին "Փյունիկը" մեկնում է Անթալիա, որտեղ կանցկացվի մեր վերջին հավաքը: Այդտեղ էլ կձգտեմ մարզումների միջոցով վերադարձնել վնասվածքի հետևանքով բաց թողածը: Կիպրոսում Վրաստանի հավաքականի հետ հանդիպմանը հետևում էիր որպես հանդիսական: Ինչպե՞ս կգնահատես մեր թիմի խաղը: Հավաքականը երկար ժամանակ չէր խաղացել և դա չէր կարող իր ազդեցությունը չթողնել: Կարծում եմ, որ ի տարբերություն առաջին խաղակեսի, երկրորդում մեր թիմը լավ խաղաց: Ճիշտ է, պարտվեցինք, սակայն այն օգտակար էր, քանի որ բացահայտվեց մեր հավաքականի ուժեղ և թույլ կողմերը: Խաղային այն դիրքում, որտեղ դու ես հանդես գալիս, խաղաց Արտակ Եդիգարյանը: Ինչպիսի՞ն է տպավորությունդ Արտակի խաղից: Արտակը շատ լավ խաղաց: Նա ունիվերսալ ֆուտբոլիստ է և այդ խաղում կրկին ապացուցեց, որ տարբեր դիրքերում կարող է բարձր մակարդակով հանդես գալ:
| |
|
| |
| Total comments: 0 | |