Ինչպես տեղեկացնում է իսպանական Marca պարբերականը, Սանտանդերի "Ռասինգն" այսուհետ արդեն նոր գլխավոր մարզիչ ունի. այդ պաշտոնում է հայտնվել Մարսելինո Գարսիա Տորալը, ով 2007/08 մրցաշրջանում արդեն մարզել է սանտանդերյան թիմը: Իսպանական թերթը հաստատում է, որ արդեն այսօր Տորալը թիմի հետ առաջին մարզումը կանցկացնի` նախապատրաստվելով Իսպանիայի առաջնության 23-րդ տուրի "Սևիլյայի" հետ խաղին, որը կայանալու է "Ռասինգի" սեփական հարկի տակ: Հավելենք, որ Տորալի հետ պայմանագիր է ստորագրվել մինչև ընթացիկ մրցաշրջանի ավարտը: