12:05 Մոուրինյոյի հեռանալու գինը | |
Չնայած վերջին ժամանակներս համաշխարհային ֆուտբոլում տարածված այն խոսակցություններին, թե Մադրիդի "Ռեալի" գլխավոր մարզիչ Ժոզե Մոուրինյոն այս ամռանը կլքի "սերուցքայիններին", վերջին և շատ համոզիչ հաղթաթուղթը մնում է ակումբի նախագահ Ֆլորենտինա Պերեսի ձեռքին: Մոուրինյոյի` "Ռեալի" հետ պայմանագրում կա կետ, ըստ որի մարզիչը 40 մլն. եվրո պետք է վճարի ակումբին, եթե որոշի վաղաժամկետ խզել պայմանագիրը թիմի հետ: Այս մասին հաղորդում է կատալոնական El Mundo Deportivo պարբերականը: Այսպիսով, կտրուկ նեղանում է այն ակումբների շրջանակը, որոնք պատրաստ են Մոուրինյոյի համար այդքան գումար վճարել: Ավելացնենք, որ ինքը` Պերեսը, նախորդ տարի պորտուգալացի մասնագետի համար 18 մլն. եվրո է վճարել, որպեսզի պորտուգալացի մասնագետն իր ձեռքն առնի մադրիդյան ակումբի ղեկը: Հիշեցնելով տուգանային պատժամիջոցների մասին` "Ռեալի" նախագահը որոշ ժամանակով ստիպեց պորտուգալացուն լռել, քանի որ վերջին շրջանում նա անընդհատ խոսում էր Անգլիա կամ Իտալիա վերադառնալու մասին:
| |
|
| |
| Total comments: 0 | |