Ինչպես տեղեկացնում է ՈՒԵՖԱ-ի պաշտոնական կայքը, փետրվարի երեքին տեղի կունենա 2011-13թթ. Եվրոպայի մինչև 21 տարեկանների առաջնության որակավորման փուլի վիճակահանությունը: Որակավորման փուլում թիմերը կբաժանվեն տասը խմբի, որոնցից երկուսում կլինեն վեցական թիմ, իսկ ութում՝ հինգական: Որակավորման փուլի մրցաշարին կմասնակցեն ՈՒԵՖԱ-ի անդամ 53 ասոցիացիաների 52 հավաքականներ, և միայն եզրափակիչ փուլի կազմակերպիչ Իսրայելն ավտոմատ կերպով կհայտնվի եզրափակիչ փուլում:

Հավելենք, որ վիճակահանությունը տեղի կունենա փետրվարի երեքին, Երևանի ժամանակով 17:00-ին: