08:16 Ռանյերի. "Ես նվիրված եմ եղել իմ գլխավորած թիմերին" | |
Իտալացի հանրահայտ մասնագետ Կլաուդիո Ռանյերին, ով երկու օր առաջ ինքնակամ հրաժարական էր ներկայացրել ու հեռացել "Ռոմայի" գլխավոր մարզչի պաշտոնից Football Italia իտալական ռադիոկայանին պատմել է, թե որոնք են եղել իր` հրաժարական տալու պատճառները . "Ես միշտ էլ ասել եմ, որ "Ռոմայի" կրած ցանկացած պարտությունն ինձ համար ծանր հարված է: Այդ պարտություններից հետո իմ սիրտը միշտ խոցոտված է լինում: Տեսնել, թե ինչպես են իմ ֆուտբոլիստները խաղում, բայց պարտվում, ես այլև չէի կարող, այդ պատճառով էլ հրաժարական ներկայացրի ակումբի նախագահին: Ի սրտե շնորհակալ եմ և նախագահ Սենսիին, և թիմի տիֆոզիներին: Չնայած կային շատ դժվարություններ, սակայն մենք կարողացանք դրանք շրջանցել, կատարել մեծ աշխատանք և անցած, և այս մրցաշրջանում: "Ջենոային" այսկերպ պարտվելուց հետո, ես ուրիշ բան անել չէի կարող. հրաժարականն ամենաճիշտ տարբերակն էր: Այս թիմի գույների հանդեպ ես միշտ սեր կտածեմ, ապագայում էլ թիմին ցանկանում եմ միմիայն հաղթանակներ: Սպորտն ու հատկապես ֆուտբոլն ինձ համար ամենակարևոր երևույթներն են, որոնց միջոցով կարելի է մաքրել սեփական հոգին, իսկ աշխատանքին էլ` նվիրվել ունեցածի ամբողջով: Ես այդպես էլ վարվել եմ իմ գլխավորած բոլոր թիմերում":
| |
|
| |
| Total comments: 0 | |