Մարտի 26-ին կայանալիք Եվրո-2012 մրցաշարի ընտրական փուլի Հայաստան-Ռուսաստան հանդիպմանը հայկական կողմը ռուս երկրպագուներին կհատկացնի  1400 տոմս: Այս մասին լրագրողների հետ այսօր տեղի ունեցած մամուլի ասուլիսի ժամանակ հայտարարել է ՀՖՖ նախագահ Ռուբեն Հայրապետյանը: Հիշեցնենք, որ այս թիվը Վազգեն Սարգսյանի անվան "Հանրապետական" մարզադաշտի ընդհանուր նստատեղերի 10 տոկոսն է: Իսկ ահա հունիսի 4-ին կայանալիք  պատասխան հանդիպման ժամանակ, եթե խաղը կայանա Մոսկվայի "Լուժնիկի" մարզադաշտում, ապա հայկական կողմին կհատկացվի առնվազն 8-9 հազար տոմս: Այսինքն` կպահպանվի նույն 10 տոկոսի համամասնությունը: