14:58 Sky Sports պորտալը գնահատել է Մխիթարյանին | |
 Բրիտանական Sky Sports մարզական
ինտերնետ-պորտալի փորձագետների կարծիքով Դոնեցկի "Շախտյորի" և Հայաստանի ազգային հավաքականի կիսապաշտպան Հենրիխ Մխիթարյանը մեծ հեռանկարներ ունեցող երիտասարդ ու տաղանդավոր խաղացող է, որին մեծ ապագա է սպասվում: Ըստ բրիտանական կայքի մասնագետների` Մխիթարյանը հիանալի
հնարավորություն ունի մոտագա ապագայում տեղափոխվել աշխարհի առաջատար ակումբներից մեկը և
համաշխարհային մակարդակի աստղ դառնալ: Այժմ ներկայացնենք, թե ինչպես է պատահել, որ բրիտանացիների ուշադրության կենտրոնում հայտվել է հենց հայ ֆուտբոլիստը: Հայաստանի հավա- քականի ֆուտբոլիստի հանդեպ հետաքրքրությունը մեծացել է Sky Sports Scout մրցույթի արդյունքում: Մրցույթի պայմանները հետևյալն էին. կայքի այցե- լուներն առաջարկում են բրիտանացի փորձագետներին մի ֆուտբոլիստի, որը դեռևս չի հայտնվել նրանց ուշադրության կենտրոնում: Sky Sports կայքի ընթերցողներից մեկի` Ջոն Բոսթոնի առաջարկով փորձագետները սկսել են ուսումնասիրել Դոնեցկի "Շախտյորի 22-ամյա կիսապաշտպան Հենրիխ Մխի- թարյանի խաղը: Ուսումնասիրության արդյունքները զարմացրել են շատերին, այդ թվում և փորձագետներին: Կայքի փորձագետները Մխիթարյանի գործողությունները գնահատել են 10-բալանոց համակարգով, ստորև ներկայացնում ենք այդ արդյունքները. Հարված` 7-ը 10-ից Փոխանցում` 8-ը 10-ից Տեխնիկա` 6-ը 10-ից Գլխով խաղ` 6-ը 10-ից Արագություն` 8-ը 10-ից Դաշտի վերահսկում` 8-ը 10-ից Առկա ընդունակություններ` 7-ը 10-ից Պոտենցիալ հանարվորություններ` 10-ը 10-ից Տրանսֆերային արժեքն այս պահին` 7 մլն ֆունտ Պոտենցիալ արժեքը` 20 մլն ֆունտ Իսկ վերջում փորձագետներն այսպես են բնորոշել Մխիթարյանին. "Շատ
լավ երիտասարդ ֆուտբոլիստ է, ով վերջին տարիներին շատ արագ առաջադիմում է:
Հետաքրքրիր կլինի հետևել նրա խաղին "Շախտյորի" կազմում: Եթե ամեն ինչ
շարունակի այս կերպ ընթանալ, ապա մոտ ապագայում նա կարող է հայտնվել
եվրոպական թոփ-ակումբներից մեկում": | |
|
| |
| Total comments: 1 | |
|
| |