08:11 Յայա Տուրե. "Մենք կարող ենք գերազանցել նույնիսկ "Բարսելոնային"" | |
Անգլիական "Մանչեսթեր Սիթիի" հենակետային կիսապաշտպան Յայա Տուրեն The Sun տաբլոիդին տված հարցազրույցում նշել է, որ ընդամենը մի քանի տարի անց "քաղաքաբնակները" կարող են հասնել կատալոնական "Բարսելոնային", Յայան նաև անդրադարձել է "Պրեմիեր լիգայում" տիրող մրցաշարային վիճակին. "Այսօր դժվար է մեզ համեմատել կատալոնական գերմեքենայի հետ: "Բարսելոնան" այժմ գտնվում է ամենավերին մասերում, իսկ նրանց կազմում խաղում են մի շարք թոփ մակարդակի տղաներ. Մեսսի, Չավի, Ինյեստա, Վիլյա, Ալվեշ... այս տղաներն ուղղակի հիանալի են միմյանց հասկանում: Մենք էլ վատ չենք խաղում, ու ակումբի ղեկավարությունն էլ իր հերթին կշարունակի նորանոր ֆուտբոլիստներով համալրել թիմը: Ուղղակի համոզված եմ` մի քանի տարի անց մենք կատալոնացիներից նույնիսկ ավելի լավը կդառնանք: Այն, ինչ հարկավոր է, միմիայն քրտնաջան աշխատանքն է, որի արդյունքում մենք անընդհատ առաջընթաց կունենանք: Ես չեմ հոգնում իմ եղբորը` Կոլոյին, ու ընտանիքիս մյուս անդամներին ասելուց, որ Մանչինին հզոր թիմ է կառուցում, մեզ հարկավոր է միայն օգնել նրան մեր աշխատանքով: Այս տարի մեր գլխավոր նպատակը "Չեմպիոնների լիգայի" ուղեգրի նվաճումն է, որն այնքան էլ հեշտ բան չէ Անգլիայում. նախ վերջին շրջանում "Լիվերպուլն" է վերակենդանացել, իսկ ահա "Չելսիի" մասին երբեք չի կարելի մոռանալ: Մրցաշրջանի ծանր ավարտ է սպասվում":
| |
|
| |
| Total comments: 0 | |