Իտալական "Միլանը" գտել է իր "նոր Կակային"՝ հանձին արգենտինական ֆուտբոլի նորահայտ աստղ 18-ամյա երիտասարդ Էրիկ Լամելայի: Իտալական ակումբը համաձայնության է եկել արգենտինական "Ռիվեր Փլեյթ" ակումբի ղեկավարության հետ և 15 միլիոն եվրոյի դիմաց "Սան Սիրոյի" ապագա «բնակիչ» դարձրել Լամելային, հետագայում տրանսֆերի գնին կարող է կցվել ևս 5 մլն եվրո:

Էրիկ Լամելան իր տարիքային խմբում ամենախոստումնալից ֆուտբոլիստն է ոչ միայն Արգենտինայում, այլ նաև ողջ Լատինական Ամերիկայում: Նա հիանալի մրցաշրջան անցկացրեց այս տարի "Ռիվեր Փլեյթի" հիմնական կազմում, որի պատճառով էլ եվրոպական մեծ թվով թիմեր ցանկություն էին հայտնել նրան տեսնելու իրենց կազմում:

Սակայն "Միլանին" հաջողվել է առաջ ընկնել բոլորից և համաձայնության գալ արգենտինական կողմի հետ, որի արդյունքում Լամելան գալիք ամռանն արդեն կտեղափոխվի "Միլան":