Մադրիդի "Ռեալի" գլխավոր մարզիչ Ժոզե Մոուրինյոյի մասնակցությամբ ևս մեկ սկանդալային իրավիճակ է առաջացել Մադրիդի օդանավակայաններից մեկում: Ինչպես հայտնի է, Մոուրինյոն  իր ընտանիքի հետ արձակուրդի էր մեկնել Նյու Յորք, որտեղից վերադարձի ճանապարհին  օդանավակայանում, մի լրագրող փորձել է լուսանկարել պորտուգալացուն՝ ընտանիքի հետ միասին: 

Մոուրինյոյին շատ է բարկացրել այդ ֆոտոլրագրողի պահվածքը, որ անընդհատ փորձում էր խցկվել ու նկարել "Յուրահատուկի" երեխաներին: Իսպանական լրատվամիջոցները հայտնում են, որ Մոուրինյոն մոտեցել է ֆոտոլրագրողին,  հարվածել նրա պայուսակին՝ ասելով. «Սրանք իմ երեխաներն են, նրանց մոտ Ձեզ կարգին պահեք, ես Ձեր...»: