Home » 2011 » Հունվար » 24
Գրաներոն ջերմ կընդունի միայն բարձրակարգ խաղընկերոջը

Կարծում ենք` մոլի բոլոր ֆուտբոլասերներին էլ քաջ հայտնի է, որ մադրիդյան "Ռեալը" խիստ կարիք ունի բարձրակարգ հարձակվողի: "Արքայական" թիմի իսպանացի կիսապաշտպան Էստեբան Գրաներոն իր տեսակետն է հայտնել թիմի շուրջ տիրող մթնոլորտի մասին. "Ես վստահ եմ, որ ով էլ գա, մենք մեծ ուրախությամբ կընդունենք նրան: Իսկ Ռուդի դեպքում ամեն ինչ ավելի ջերմ կլինի, նա գոլ-մեքենայի է նման ու իսկական պրոֆեսիոնալ է: Եթե մեզ միանա ինչ-որ անհայտ մեկը, ապա նա մեզ հետ անելիք չունի. մեզ միայն բարձրակարգ խաղացող է անհրաժեշտ":

Категория: Թեժ գիծ ֆուտբոլի աշխարհից | Просмотров: 437 | Добавил: Hartsat | Дата: 24.01.2011 | Комментарии (0)

"Չելսին" վերջապես կհամալրվի

Վերջապես: Ռոման Աբրամովիչը պատրաստ է գումար ներդնել խաղացողների գնման համար: Ինչպես տեղեկացնում է անգլիական The Guardian պարբերականը` "Չելսիի" ռուս սեփակա-նատերը պատրաստ է թիմի ուժեղացման համար մոտ 21 մլն ֆունտ ստեռլինգ տրամադրել պորտու-գալական "Բենֆիկայի" բրազիլացի պաշտպան Դավիդ Լուիզի համար: Եթե տրանսֆերն իրականանա, ապա այն կլինի շատ սպասված "արիստոկրատների" երկրպագուների համար, քանի որ Անդրեյ Շևչենկոյից հետո նման գումար այլևս չի ծախսվել թիմի համալրման համար:

Սպասվում է, որ գործարքը կկայանա մոտակա 2 օրվա ընթացքում:

Категория: Թեժ գիծ ֆուտբոլի աշխարհից | Просмотров: 429 | Добавил: Hartsat | Дата: 24.01.2011 | Комментарии (0)

"Բարսան" պատրաստ է հրաժարվել Ալվեշից
Մի քանի օր առաջ մենք մեր ընթերցողներին արդեն հայտնել էինք, որ բրազիլացի աջ եզրային պաշտպան Դանի Ալվեշը պատրաստ է երկարաձգելու "Բարսելոնայի" հետ պայմանագիրը: Բայց այսօր արդեն իրավիճակն այլ է. ինչպես հայտնում են անգլիական մի շարք կայքեր` "Մանչեսթեր Սիթին" պատրաստ է բրազիլացուն վճարել տարեկան 9 մլն եվրո աշխատավարձ, եթե խաղացողը տեղափոխվի "քաղաքացիների" շարքեր: Ի պատասխան այս հայտարարության` "Բարսելոնայի" ղեկավարները հայտնել են, որ իրենց խաղացողի համար պետք է ստանան առնվազն 26 մլն եվրո գումարի փոխհատուցում:
Հիշեցնենք, որ Ալվեշի պայմանագիրը "կապտանռնագույնների" հետ ուժի մեջ է մինչև 2012թ.:
Категория: Թեժ գիծ ֆուտբոլի աշխարհից | Просмотров: 465 | Добавил: Hartsat | Дата: 24.01.2011 | Комментарии (0)

"Սև կատուները" մոտակա օրերին պատրաստ են գումարներ ծախսել
Վաճառելով իր գլխավոր աստղին` Դարեն Բենտին, "Սանդերլենդը" 18 մլն եվրո եկամուտ ստացավ: Իհարկե, բարձրագույն խմբում մնալու համար պետք է ուժեղացնել թիմը: Իսկ թե ով կարող է համալրել "սև կատուների" շարքերը, մենք դեռ կոնկրետ տվյալներ չունենք, այլ զուտ ենթադրում ենք: Ամենայն հավանականությամբ թիմը կարող է ուժեղացնել միլանյան "Ինտերի" հենակետային կիսապաշտպան Սալլի Մունտարին, ում տրանսֆերը գնահատվում է 9 մլն եվրո, բայց "Ինտերը" իր խաղացողին կարող է նույնիսկ վարձավճարով տրամադրել:
Հ.Գ. Ինչպես հայտնում է անգլիական "SUN" տաբլոիդը` գանացին արդեն ժամանել է Անգլիա:
Категория: Թեժ գիծ ֆուտբոլի աշխարհից | Просмотров: 499 | Добавил: Hartsat | Дата: 24.01.2011 | Комментарии (0)

Կլոպին գերել է աշխատանքը
Դորտմունդյան "Բորուսիայի" գլխավոր մարզիչ Յուրգեն Կլոպն այնքան էլ հիացած չէ իր թիմի ցուցադրած խաղով ու չի կարծում, թե Բունդեսլիգայի չեմպիոնի կոչումն արդեն իրենց գրպանում է. "Ես գիտեմ, որ պետք է զուտ աշխատել, աշխատել ու միմիայն աշխատել: Իհարկե, 11 միավորով մենք առաջ ենք մեր մոտակա մրցակցից, բայց դա դեռ չեմպիոնության երաշխիք չէ: Եթե այս թիմի փոխարեն 11 միավորի առավելություն ունենար "Բավարիան", ապա հաստատ չեմպիոն կհռչակվեր, իսկ մենք դեռ անփորձ ենք ու երիտասարդ: Մենք ճիշտ ուղու վրա են, բայց դե ֆուտբոլում ամեն ինչ կարող է պատահել: Հարկավոր է աշխատել գագաթում մնալու համար":
Категория: Թեժ գիծ ֆուտբոլի աշխարհից | Просмотров: 423 | Добавил: Hartsat | Дата: 24.01.2011 | Комментарии (0)

Վենգերը ցանկանում է գնել "Լիլի" "ադամանդին"
Լոնդոնյան "Արսենալի" ֆրանսիացի մարզիչը լրագրողներին խոստովանել է, որ վաղուց է հետևում ֆրանսիական "Լիլի" 19-ամյա բելգիացի կիսապաշտպան Էդեն Հազարին և պատրաստ է բանակցությունների սեղանի շուրջ նստել ֆրանսիական կողմի հետ. "Ես Հազարի գաղտնի երկրպագուն եմ: Ուղղակի հիմա չեմ ցանկանում խնդիրներ ստեղծել "Լիլի" համար: Երբ նրանք ցանկանան վաճառել իրենց ադամանդին, մենք պատրաստ ենք կլորիկ գումար տրամադրել խաղացողի տրանսֆերի համար: Թող նրանք իմանան այս մասին":
Категория: Թեժ գիծ ֆուտբոլի աշխարհից | Просмотров: 432 | Добавил: Hartsat | Дата: 24.01.2011 | Комментарии (0)