Լոնդոնի "Արսենալի" երիտասարդ կիսապաշտպան Արոն Ռեմզին անցած տարվա փետրվարից սկսած առաջին անգամ հայտավորվել է թիմի կազմում վաղը կայանալիք "Լիդսի" դեմ հանդիպմանը գավաթի խաղարկության շրջանակներում: Նշենք, որ Ռեմզին վերականգնվել էր վնասվածքից մի քանի ամիս առաջ և ավելի քան մեկ ամիս հանդես էր գալիս "Նոթինգեմ Ֆորեստ" ակումբում վարձավճարով: |
Գանայի ազգային հավաքականի կիսապաշտպան Սալի Մունտարին հայտնվել է անգլիական "Կատուների" գլխավոր մարզիչ Սթիվ Բրյուսի ուշադրության կենտրոնում: "Սանդեռլենդի" գլխավոր մարզիչն այդպիսով կփորձի ամրապնդել թիմի միջին գիծը: Կհամաձայնի արդյոք Մունտարին միանալ իր հայրենակից Ասամոա Գյանին, դեռևս պարզ չէ, համենայն դեպս դա կապված է այն բանի հետ, թե արդյոք "Ինտերի" նորանշանակ գլխավոր մարզիչ Լեոնարդոն հույսեր է կապում այդ խաղացողի հետ, թե ոչ: |
Անգլիացի ձախ եզրային պաշտպան Ուեյն Բրիջին, ով անգործության է մատնված "Սիթիում", Ժերար Ուլյեն դեմ չէր լինի տեսնել "Վիլայի" կազմում վարձավճարային հիմունքներով: "Մանչեսթեր Սիթիի" պաշտպան Զաբալետայի երեքխաղյա որակազրկումը հանված է, և այժմ խաղացողը կարող է մասնակցել գավաթի խաղարկության` "Լեսթերի" դեմ հանդիպմանը: Հիշեցնենք, որ խաղացողը կարմիր քարտի էր արժանացել արսենալցի Բակարի Սանյայի հետ ընդհարվելու արդյունքում` "Արսենալի" դեմ հանդիպման վերջին րոպեին: "Սանդեռլենդում" վարձավճարային հիմունքներով հանդես եկող Դենի Ուելբեկը խնդիրներ ունի ծնկի հետ և չի կարող օգնել թիմին մոտակա մի քանի հանդիպումների ընթացքում: "Յունայթեդի" նորեկ, դանիացի դարպասապահ Անդերս Լինդեգարդը թիմում հանդես կգա 34 համարի մարզաշապիկով: |
"Տոտենհեմ Հոթսպուրը" պայմանագիր է ստորագրել ՀԱՀ-ի ազգային հավաքականի պաշտպան Բոնգանի Կումալոյի հետ: Ոչ պաշտոնական տվյալներով, անգլիական ակումբը խաղացողին ձեռք է բերել 1,5 միլիոն ֆունտի դիմաց հարավաֆրիկական "Սուպերսպորտ Յունայթեդ" թիմից: "Տոտենհեմի" սկաուտները նկատել են խաղացողին Մունդիալ 2010-ի ժամանակ, որտեղ Կումալոն խաղացել է հավաքականի բոլոր երեք հանդիպումներում, անգամ գոլ ուղարկել ֆրանսիացիների դարպասը: |
Անգլիական "Մանչեսթեր Յունայթեդի" լեգենդար կիսապաշտպան Ռոյ Քինը, ով առաջին քայլերն է կատարում մարզչական աշխատանքում, հեռացված է "Իպսվիչի" գլխավոր մարզչի պաշտոնից: Նա այդ թիմում աշխատեց շուրջ 20 ամիս: "Իպսվիչի" ղեկավարությունը մեծ հույսեր էր կապում Քինի հետ, սակայն "Չեմպիոնշիպից" "Պրեմիեր լիգա" տեղափոխվելու փոխարեն թիմը պայքարում է առաջնությունից դուրս չմնալու համար: Հիշեցնեմ, որ Քինին հաջողվել էր նախկինում "Սանդեռլենդին" դուրս բերել "Պրեմիեր լիգա", սակայն նույնը վիճակված չէր անել "Իպսվիչի" հետ: |
Լոնդոնյան "Չելսին" այս ամառ կարող է համալրվել շատ բարձրակարգ ու երիտասարդ խաղացող-ներով: Մի քանի օր առաջ մենք տեղեկացրել էինք, որ "արիստոկրատները" փորձ են կատարելու գնել պորտուգալական "Բենֆիկայի" երիտասարդ պաշտպան Դավիդ Լուիզին, իսկ այսօր Անգլիա-յից լուրեր ստացվեցին, թե Աբրամովիչը կարող է գնել նաև Մադրիդի "Ատլետիկոյի" առաջատար Սերխիո Ագուեռոյին, որի միջոցով կարող է զգալիորեն ուժեղացնել թիմի հարձակման գիծը:
|
Իտալական "Ինտերի" բրազիլացի կիսապաշտպան Ամանտինո Մանսինին տեղափոխվել է բրազիլական "Ատլետիկո Մինեյրո" ակումբ: 30-ամյա բրազիլացին իր հարազատ ակումբի հետ 2 տարվա պայմանագիր է կնքել: Հիշեցնենք, որ հենց "Ատլետիկո Մինեյրոյում" է Մանսինին սկսել ֆուտբոլային իր առաջին քայլերը:
|
Ադրբեջանական Azerisport պարբերականը տեղեկացնում է, որ անգլիական "Էվերթոնը" աչք է դրել ադրբեջանական "Նեֆթիի" կիսապաշտպան Արազ Աբդուլաևի վրա, ում մոտ ժամանակներս "իրիսների" ղեկավարությունը ցանկանում է ձեռք բերել: Նրանք արդեն մեկնել են Բաքու 18-ամյա կիսապաշտպանին պաշտոնական առաջարկ անելու համար: |
"Լևանտեի" գլխավոր մարզիչ Լուիս Գարսիան "Ռեալի" հետ ունեցած խաղից հետո իսպանական Marca պարբերականին տված հարցազրույցում նշել է, որ "Ռեալի" նկատմամբ 2:0 հաշվով տարած հաղթանակը լավ է, բայց ցավոք ակումբը չի կարողացել ավելի առաջ գնալ, քանի որ առաջին խաղում այն "սերուցքայիններից" պարտվել էր 8:0 հաշվով: Նա նշել է, որ ցանկանում է շնորհակալություն հայտնել ակումբի երկրպագուներից, որոնք ամբողջ խաղի ընթացքում շարունակում էին երկրպագել ակումբին: Նա ասել է, որ այդ խաղում "Ռեալի" դուրս բերած կազմը չի կարելի ասել երկրորդական, քանի որ այնտեղ խաղում էին այնպիսի ֆուտբոլիստներ, որոնք կարող էին նաև խաղալ հիմնական կազմում: |
Անգլիական Mirror պարբերականի տեղեկացմամբ "Տոտենհեմի" խորվաթ պաշտպան Վեդրան Չոռլուկան մոտ ժամանակներս հնարավոր է, որ կլքի ակումբը, քանի որ "խթանների" գլխավոր մարզիչ Հարի Ռեդնապի "պատճառով" 24-ամյա ֆուտբոլիստը տեղ չի գտնում "Տոտենհեմի" հիմնական կազմում: Հիմանական հավակնորդ ակումբները "Լիվերպուլն" ու "Յուվենթուսն" են: "Տոտենհեմը" հեշտ կհրաժարվի իր պաշտպանից, քանի որ ցանկանում է ուժեղացնել իր պաշտպանական գիծը, իսկ Չոռլուկայի վաճառքից ստացված գումարն անհրաժեշտ է այդ ձեռքբերումների համար: |
Kicker պարբերականի տեղեկացմամբ Լևերկուզենի "Բայերնի" գերմանացի կիսապաշտպան Միխաիլ Բալլաքն արդեն ապաքինվել է վնասվածքից և պատրաստ է մասնակցել գերմանական ակումբի խաղերին: Նշենք, որ երեկ "Բայերնի" 34-ամյա վետերանը ակումբի հետ ընկերական հանդիպում է անցկացնել "Ռոտ-Վայս Օբերհաուզենի" հետ, որում խաղացել է մեկ ամբողջական խաղակես: |
"Վոլսբուրգից" "Մանչեսթեր Սիթի" տեղափոխված բոսնիացի հարձակվող Էդին Ձեկոն Sky Sports պարբերականին տված հարցազրույցում նշել է, որ չնայած նրան, որ ինքն արդեն տեղափոխվել է "Մանչեսթեր Սիթի", բայց և այնպես չի ցանկանում "Չեմպիոնների լիգան" փոխել "Եվրոպայի լիգայով" և ամեն ինչ կանի, որ "քաղաքաբնակները" հայտնվեն "Չեմպիոնների լիգայում", որտեղ խաղալն իր համար նոր ձեռքբերումների սկիզբ կդառնա: |
"Ֆիորենտինայի" ռումինացի հարձակվող Ադրիան Մուտուն որոշել է հատուկ մամուլի ասուլիս անցկացնել, որտեղ լրագրողներին կբացատրի, թե ինչու է ցանկանում հեռանալ ակումբից: Football Italia-ի տեղեկացմամբ վաղը ռումինացի հարձակվողը լրագրողներին կբացատրի իր ֆուտբոլային կարիերայում տեղի ունեցած վերջին դեպքերը: Որոշ ասեկոսեներ պնդում են, որ ֆուտբոլիստը որոշել է հեռանալ ակումբից այն բանից հետո, երբ իմացել է, որ "մանուշակների" ղեկավարությունը չի ցանկանում իրեն վաճառել "Չեզենային", իսկ վերջինիս ղեկավարությունը ռումինացուն խոստացել է, որ ավելի շատ կլինի հիմնական կազմում և կստանա ավելի շատ խաղային պրակտիկա, քան նա ուներ "Ֆիորենտինայում": |
Լոնդոնի "Չելսիի" գլխավոր մարզիչը չի հեռանում, ավելի ճիշտ նրան չեն հեռացնում: Թիմի ղեկավարությունը շատ լավ է գիտակցում, որ Անչելոտտին հիմա լավագույն տարբերակն է, քանի որ այսպես կոչված "S.O.S." մարզիչներից միայն Դոն Կառլոն է, որ տվյալ պահին կարող է գլխավորել "արիստոկրատներին": Հիշեցնենք, որ "Չելսին" տվյալ պահին պայքարում է լավագույն քառյակ մտնելու համար, սակայն անգամ ամենահամարձակները չեն համարձակվում լոնդոնցիներին տեսնել չեմպիոնական մրցավազքից դուրս, որը առայժմ վստահորեն գլխավորում է "Յունայթեդը": |
Անգլիայի ֆուտբոլի ֆեդերացիան հերքել է լուրերն այն մասին, որ 2012թ.-ին Անգլիայի ազգային հավաքականի գլխավոր մարզիչ Ֆաբիո Կապելլոյին հեռացնելու դեպքում ազգային հավաքականը կմարզի Հարի Ռեդնապ և Դևիդ Բեքհեմ զույգը: Այսօր այսպիսի լուրեր էին շրջանառվում անգլիական մամուլում, քանի որ "Տոտենհեմի" գլխավոր մարզիչ Հարի Ռեդնապը ցանկանում է ամերիկյան "Լոս-Անջելես Գալաքսիից" ձեռք բերել անգլիացի 35-ամյա կիսապաշտպան Դևիդ Բեքհեմին մինչև MLS-ի սկսվելը: Լրագրողները ենթադրեցին, որ այդ համագործակցությունը երկար տևողություն կունենա և հետագայում իր ազդեցությունը կունենա Անգլիայի ազգային հավաքականի մարզչական շտաբի վրա: |
Հանցագործները ցանկանում էին Մեծ Բրիտանիա տեղափոխել 4000 դոլարի թմրանյութ, որը թաքցված էր նկարի մեջ: Նշենք, որ նկարի վրա պատկերված էր "Մանչեսթեր Սիթիի" տոգոլեսցի հարձակվող Էմանուել Ադեբայորը, իսկ նկարը պետք է Տոգոյից տեղափոխվեր Լոնդոն, սակայն ոստիկանների շնորհիվ թմրանյութը հայտնաբերվել է և առգրավվել: |
|