 Մադրիդի
"Ռեալի" արգենտինացի կիսապաշտպան Անխել Դի Մարիան ՈՒԵՖԱ-ի "Չեմպիոնների
լիգայի հանդես" ծրագրին տված հարցազրույցի ժամանակ նշել է, որ իր կարիերայի
ամենամեծ հաջողությունը "Ռեալ" տեղափոխվելն է, ինչին նրան մղել է իր հայրենակից Ֆերնանդո
Գագոն: |
Պորտուգալական "Բենֆիկան" ևս մեկ անգամ մերժել է "Չելսիի" կողմից արված տրանսֆերային սուպերառաջարկը, որտեղ "արիստոկրատները" 23 մլն ֆունտ ստեռլինգ էին առաջարկում պորտուգալական կողմի բրազիլացի պաշտպան Դավիդ Լուիզի համար: Ինչպես տեղեկացնում է անգլիական The Sun տաբլոիդը, "Բենֆիկայի" ղեկավարները վերջագիր են ներկայացրել Աբրամովիչին. կամ լոնդոնցիները վճարում են 30 մլն ֆունտ ստեռլինգ, կամ ձեռք ենք քաշում պաշտպանի գնման մտադրությունից:
|
Անգլիական "Չելսիի" երիտասարդ պաշտպան Պատրիկ վան Անհոլթը մինչև այս մրցաշրջանի վերջը հանդես կգա Չեմպիոնշիպը ներկայացնող "Լեսթերում": 20-ամյա ֆուտբոլիստի ստորագրման համար մեծ դեր է խաղացել "Լեսթերի" հանրահայտ գլխավոր մարզիչ Սվեն Գորան Էրիքսոնը, ով լավ հարաբե-րություններ ունի լոնդոնցիների գլխավոր մարզիչ Կարլո Անչելոտտիի հետ:
Հավելենք, որ Անհոլթն "արիստոկրատների" կազմում այս մրցաշրջանում անցկացրել էր 8 հանդիպում` մեկ անգամ գրավելով նաև սեփական դարպասը:
|
Հոլանդացի լեգենդար դարպասապահ Էդվին վան դեր Սարը հաստատապես որոշել է, որ այս մրցաշրջանից հետո կավարտի իր ֆուտբոլային կարիերան: Հոլանդացին իր որոշման մասին արդեն տեղյակ է պահել "Մանչեսթեր Յունայթեդի" ղեկավարությանը, որոնք արդեն սկսել են որոնել բարձրակարգ դարպասապահի:
"Կարմիր սատանաների" պաշտոնական կայքին տված հարցազրույցում վան դեր Սարը հատկապես նշել է. "Արդեն ժամանակն է կենտրոնանալ միայն ընտանիքի վրա: Երբ այս տարի կնոջս մոտ եղան որոշակի առողջական խնդիրներ, ես գտնվում էի նրանից շատ հեռու` Թուրքիայում: Այդ պատահարը ստիպեց ինձ վերջնական որոշում կայացնելու: Անգլիայում կավարտեմ այս մրցաշրջանը, ապա կգնամ հայրենի Հոլանդիա` վայելելու ընտանեկան կյանքի քաղցրությունը":
|
Նախապատրաստական փուլի մեկնարկի նախօրեին տեղեկություններ տարածվեցին, որ Հայաստանի ազգային հավաքականի և Երևանի "Փյունիկի" ֆուտբոլիստ Էդգար Մանուչարյանը կարիերան կարող է շարունակել ուկրաինական Լվովի "Կարպատներ" թիմում: Սակայն ուկրաինական ակումբի ղեկավարության առաջարկած պայմանները չեն բավարարել Մանուչարյանին, և նա որոշել է ելույթները շարունակել մեր երկրի չեմպիոնի կազմում: Էդգարը նոր, եռամյա պայմանագիր է ստորագրել "Փյունիկի" հետ և մեկնել է Սոչի` միանալու այնտեղ ուսումնամարզական հավաք անցկացնող հայկական թիմին: |
Կրասնոդարի "Կուբանի" կազմում փորձաշրջան անցնող Գևորգ Ղազարյանն ռուսական թիմի ուսումնամարզական առաջին հավաքից հետո վերադարձել է հարազատ ակումբ` "Փյունիկ": Ինչպես երևում է, ռուսական "Պրեմիեր լիգայի" նորեկը հույսեր չի կապում Հայաստանի ազգային հավաքականի ֆուտ-բոլիստի հետ և նրան որևէ կոնկրետ առաջարկ չի ներկայացրել: |
Իտալական "Յուվենթուսի" իտալացի 33-ամյա վետերան դարպասապահ Ջանլուիջի Բուֆոնը կվերադառնա Իտալիայի ազգային հավաքական և կմասնակցի փետրվարի 6-ին Գերմանիայի ընտրանու հետ կայանալիք ստուգողական հանդիպմանը: Իտալաիայի հավաքականի` վերջերս հրապարակված ֆուտբոլիստների հայտացուցակում Բուֆոնին ընդգրկել են, որպեսզի վերջինս կարողանա մարզավիճակ ձեռք բերել նաև ազգային թիմում: |
Մադրիդի "Ռեալի" մարզական տնօրեն Խորխե Վալդանոն այսօր մամուլի ասուլիսի ժամանակ ասել է, որ պատրաստ է երկրորդ պլանում լինել ակումբի ղեկավարության կազմում, եթե դա կօգնի, որ "Սերուցքայինների" գլխավոր մարզիչ Ժոզե Մոուրինյոն մնա թիմում նաև մրցաշրջանի ավարտից հետո, ու շարունակի կատարելագործել թիմի խաղը: Մի քանի օր առաջ մենք արդեն գրել էինք, որ Մոուրինյոն ցանկանում է տեղափոխվել անգլիական "Պրեմիեր լիգա": Պորտուգալացի մասնագետը հայտարարել էր նաև, որ չի ուզում մարզել "Ռեալը", քանի դեռ Վալդանոն ակումբի մարզական տնօրենն է ու անընդհատ խանգարում է իր աշխատանքին: |
Իտալական "Ինտերը" ձեռք է բերել "Ջենոայի" հարձակվողական ոճի կիսապաշտպան Հյուսի Խարթջային, որը պետք է փոխարինի անգլիական "Սանդերլենդ" տեղափոխված գանացի ֆուտբոլիստ Սալլի Մունտարիին: Խարթջան "Ինտերում" ելույթ կունենա մինչև այս մրցաշրջանի ավարտը, քանի որ իտալական ակումբը նրան ձեռք է բերել վարձավճարային հիմունքներով: Ֆուտբոլիստն այժմ Միլանում է և անհրաժեշտ բուժզննությունն անցնելուց հետո պայմանագիր կստորագրի "ներաձուրիների" հետ: |
Իտալիայի ֆուտբոլի լիգայի գավաթի մեկ քառորդ եզրափակիչում Թուրինի "Յուվենթուսը" սեփական հարկի տակ 0-2 հաշվով պարտություն է կրել հռոմեական "Ռոմայից" և դուրս է մնացել հետագա պայքարից: Հանդիպման հերոսներ` գոլերի հեղինակներ են դարձել Միրկո Վուչինիչը ('65) և Տադեյը ('90+1): Այդպիսով, Իտալիայի գավաթի կիսաեզրափակիչում "Ռոման" կհանդիպի "Ինտերի" հետ: Մյուս զույգը կազմել են "Միլանն" ու "Պալերմոն": |
Անգլիական The Times պարբերականն այսօր տարածել է մի հետաքրքիր հաղորդագրություն, ըստ որի "Լիվերպուլը" հրաժարվել է "Չելսիին" վաճառել Ֆեռնանդո Տորեսին, չնայած լոնդոնյան ակումբի առաջարկած մեջ գումարին: Հիշեցնենք, որ Անգլիայի գործող չեմպիոն "Չելսին" կենտրոնական բարձրակարգ հարձակվողի փնտրտուքների մեջ է: Ակումբի ղեկավարության ընտրու-թյունը կանգ էր առել "Լիվերպուլի" իսպանացի տաղանդավոր հարձակվողի վրա: Անգլիական աղբյուրը նշում է, որ "Չելսին" պատրաստ էր Տորեսի համար տալ 35 մլն. ֆունտ ստեռլինգ, սակայն "Լիվերպուլում" նրանց հստակ հասկացրել են, որ ֆուտբոլիստը չի վաճառվում, ինչ գին էլ վճարվի: |
Futbolmercado.es ֆուտբոլային կայքի տեղեկատվության համաձայն իտալական "Յուվենթուսը", չկարողանալով գնել հարձակվող Ֆլորո Ֆլորեսին, ինչպես նաև լավ հասկանալով Քարիմ Բենզեմային կամ Անդրեյ Արշավինին ձեռք բերելու հետ կապված դժվարությունները, այժմ իր հայացքն ուղղել է հունական "Պանատինաիկոսի" ֆրանսիացի առաջատար Ջիբրիլ Սիսեի վրա, ում հետ պայմանագիրն ուժի մեջ է մինչև այս ամառ: |
Մեր ազգային ընտրանու գլխավոր մարզիչ Վարդան Մինասյանն արդեն կազմել է այն ֆուտբոլիստների ցուցակը, որոնք պետք մասնակցեն մարտի 3-ին կայանալիք ընկերական հանդիպմանը: Մեր թիմի մրցակիցը դեռևս հայտնի չէ, բայց թեկնածուները երեքն են` Լատվիան, Իսլանդիան և Ուկրաինան: Վարդան Մինասյանը հավաքական է հրավիրել հետևյալ ֆուտբոլիստներին. Դարպասապահներ` Ռոման Բերեզովսկի, Գևորգ Կասպարով, Ստեփան Ղազարյան
|
|