19:26 Անորոշ իրավիճակ Բեքհեմի տրանսֆերի շուրջ | |
Անգլիացի հայտնի կիսապաշտպան Դեվիդ
Բեքհեմը համաձայնվել է տեղափոխվել Լոնդոնի «Տոտենհեմ»: Այս մասին The
Sun-ին անթաքույց ուրախությամբ հայտնել է լոնդոնյան ակումբի գլխավոր մարզիչ Հարի Ռեդնապը: «Նա ասաց, որ ցանկանում է տեղափոխվել «Տոտենհեմ»: Մեզ անհրաժեշտ է արագ գործել: Ես այդ մասին արդեն հայտնել եմ ակումբի ղեկավարությանը: Առաջիկայում կսկսվեն բանակցություններն ամերիկյան ակումբի հետ»,-ասել է Ռեդնապը: Բեքհեմը ցանկանում է, որ «Լոս Անջելես Գալաքսին» այժմ բաց թողնի իրեն, քանի որ MLS-ում մրցաշրջանն արդեն ավարտվել է: Ռեդնապը հայտնել է, որ «Տոտենհեմը» չի պատրաստվում 35-ամյա ֆուտբոլիստին ձեռք բերել, որ նա պարզապես ժամանակ անցկացնի Լոնդոնում: «Աջ
եզրում մենք չունենք նրան համարժեք խաղացող: Դեվիդ Բենտլին մշտապես վնասվածքներ է
ստանում: Երբ ես Տեդի Շերինգեմին վերցրի «Պորթսմուտ», ապա անընդհատ ասում
էի. «Տեսեք, թե ինչպես է նա մարզվում: Հետեւեք նրա յուրաքանչյուր
գործողությունին: Նա ամեն ինչ 100 տոկոսով ճիշտ է անում»: Ես նույնը
կարծում եմ նաեւ Բեքհեմի կապակցությամբ: Ինձ պատմել են, որ ամեն մարզումից
հետո Բեքհեմը եւս մեկ ժամ անցկացնում է խաղադաշտում: Երիտասարդ
խաղացողներին շատ օգտակար կլինի դա տեսնել»: Ավելորդ չէ նշել, որ
ժամանակին Բեքհեմը հայտարարել էր, որ "Պրեմիեր" լիգայում կրկին ելույթ
կունենա միայն իր հարազատ ակումբի՝ «Մանչեսթեր Յունայթեդի» կազմում, ինչնայսօրվա դրությամբ շատ անհավանական է:
| |
|
| |
| Total comments: 0 | |