Ամերիկյան "Ռեդ Բուլզ" ֆուտբոլային ակումբի ֆրանսիացի հարձակվող Թիերի Անրին "վերադարձել" է իր հարազատ ակումբ՝ "Արսենալ". հենց այսպիսի հայտարարություն էր զետեղվել լինդոնյան ակումբի պաշտոնական կայքում: Լոնդոնյան ակումբի և Թիերի Անրիի միջև համաձայնություն է ձեռք բերվել, ըստ որի, ֆուտբոլիստը, մինչև ամերիկյան MLS-ի նոր մրցաշրջանի սկիզբը, իր մարզումները կանցկացնի իր հարազատ թիմի հետ:

Հիշեցնենք, որ ներկայումս Նյու Յորքի "Ռեդ Բուլզում" հանդես եկող Անրին ֆուտբոլային փառահեղ ճանապարհ է անցել "Արսենալի" հետ: 33-ամյա ֆուտբոլիստը լոնդոնյան ակումբում հանդես է եկել 1999-2007 թթ. և դարձել է 226 գոլի հեղինակ: