08:38 Արզումանյանը Լեհաստանում չի խաղա | |
Հայաստանի ազգային
ընտրանու անդամ Ռոբերտ Արզումանյանը չի կարողացել
համաձայնության գալ լեհական "Սլյոնսկ" վրոցլավյան ակումբի հետ: Լեհական
մարզական մամուլի տեղեկացմամբ` գլխավոր պատճառ է դարձել խաղացողի գործակալի
առաջարկած "աստղային"
պայմանները:
"Մենք չենք կարող ընդունել նման արտոնյալ պայմաններ: Հաստատ որոշված է` Արզումանյանը "Սլյոնսկում" չի խաղալու",- հայտարարել է լեհական ակումբի մամուլի քարտուղար Միխալ Մազուրը: Հավելենք, որ հայ ֆուտբոլիստը բավականին լավ է դրսևորել իրեն թիմի ուսումնամարզական հավաքների ժամանակ, այնքան լավ, որ "Սլյոնսկի" գլխավոր մարզիչը ցանկացել է տեսնել Արզումանյանին իր թիմի հիմնական կազմում: Բայց երբ կողմերը պետք է պայմանագիր կնքեին, ամեն ինչ բարդացել է գործակալի պատճառով: Խոսքը գնում է այն միջնորդավճարի մասին, որ պահանջել է Արզումանյանի գործակալ Ռոբերտ Կիլդանովիչը: Եթե "Սլյոնսկը" ցանկանար գնել Արզումանյանին դանիական "Ռանդերսից", ապա նրանք ստիպված կլինեին ավելի մեծ գումար վճարել ֆուտբոլիստի գործակալին: Այդիսկ պատճառով լեհական թիմը որոշել է չգնել Արզումանյանին: | |
|
| |
| Total comments: 0 | |