Ինչպես հայտնի է մոլի ֆուտբոլասերներին, իտալացի հարձակվող Մարիո Բալոտելլին և նրա նախկին մարզիչ Ժոզե Մոուիոնյոն "Ինտերում" այնքան էլ լավ հարաբերություններ չունեին, և հաճախ էին ընդհարումներ ունենում միմյանց հետ:

Ներկայումս "Մանչեսթեր Սիթիում" հանդես եկող իտալացի սևամորթ հարձակվողը չի մոռացել իր նախկին մարզչին և առիթը բաց չի թողել նրան քննադատելու համար:

Բալոտելլին, ով հաճախ է ընկնում անախորժ պատմությունների մեջ և հայտնի է իր սանձարձակ բնավորությամբ, Մոուրինյոյի մասին ասել է. «Մոուրինյոն աշխարհի լավագույն մարզիչն է, սակայն իբրև մարդ՝ նա պետք է սովորի բարեկիրթ վարվելաձև և կարողանա հարգել դիմացինին»: