17:39 "Բանանցը" պատրաստվում է մեկնել Թուրքիա | |
Առաջիկա ֆուտբոլային մրցաշրջանին շարունակում է
նախապատրաստվել երկրի փոխչեմպիոն Երևանի «Բանանցը», սակայն ոչ ամբողջական
կազմով: Թիմի լեգեոնական ֆուտբոլիստները, ինչպես նաև գլխավոր մարզիչ Ստևիցա
Կուզմանոսկին Երևան են ժամանելու միայն վաղը: Հունվարի
15-ին «Բանանցն» ուսումնամարզական հավաքի կմեկնի Թուրքիա: Մարզումներին
զուգահեռ նախատեսված է անցկացնել նաև 3 ստուգողական հանդիպում: Հունվարի
21-ին հայկական թիմի մրցակիցը կլինի Դոնեցկի «Մետալուրգը», որտեղ կշարունակի իր մրցելույթներն Արարատ Առաքելյանը: Ինչպես հայտնի է, ուկրանիական թիմում է հանդես գալիս
նաև Արտակ Դաշյանը: Իդեպ, «Բանանցի» դարպասապահների մարզիչ է նշանակվել Նիկոլայ Դոնևը, ով ժամանակին աշխատել է հայկական թիմում, իսկ այնուհետև տեղափոխվել Դոնեցկի «Մետալուրգ»: Հաջորդ հանդիպումը նախատեսված է անցկացնել
հունվարի 26-ին` ռումինական «Ունիրեայի» հետ: Ուսումնամարզական հավաքի
վերջին հանդիպումը Հայաստանի փոխչեմպիոնը կանցկացնի հունվարի 29-ին, սակայն
դեռևս հայտնի չէ, թե ով է լինելու մրցակիցը:
«Բանանցը» Երևան կվերադառնա հունվարի 30-ին և մարզումները կշարունակի այստեղ: Հաջորդ ուսումնամարզական հավաքը, որը կսկսվի փետրվարի 10-ից, դարձյալ կանցկացվի արտերկրում` Կիպրոսում կամ Թուրքիայում: | |
|
| |
| Total comments: 0 | |