Ինչպես հայտնում է Sky Sports լրատվական ծառայությունը, անգլիական "Նյուքասլի" խենթ ու խելառ կիսապաշտպան Ջոուի Բարտոնն առաջիկայում նոր պայմանագիր կկնքի իր ակումբի հետ: Ակումբի ղեկավարությունն արդեն նախնական համաձայնության է եկել ֆուտբոլիստի հետ երկարաժամկետ համագործակցության շուրջ: Հավելենք, որ Բարտոնի ներկայիս պայմանագրի ավարտին դեռ 1.5 տարի կա:

"Բանակցությունները հաջող են ընթանում: Մենք հույս ունենք, որ գործարքը շատ շուտով կկանայա: Ջոուին սիրով է խաղում "Նյուքասլում" և նա երջանիկ կլինի կնքել  նոր պայմանագիր",-ասել է խաղացողի գործակալ Վիլի Մակքեյը:

Հիշեցնենք, որ 28-ամյա Բարտոնը "Նյուքասլում" խաղում է 2007թ.: Նա "Նյուքասլ" է տեղափոխվել "Մանչեսթեր Սիթիից": Այս մրցաշրջանում Բարտոնը երկրի առաջնությունում արդեն անց է կացրել 19 հանդիպում և  խփել երկու գնդակ: