09:42 Գուտի. "Ժոզե Մոուրինյոն մեծ մարզիչ է" | |
Իսպանական Մադրիդի "Ռեալի" նախկին կիսապաշտպան Գուտի Հերնանդեսը, ով այժմ հանդիսանում է թուրքական "Բեշիքթաշի" ֆուտբոլիստ, հավատում է, որ ակումբում կան այնպիսի ֆուտբոլիստներ, ովքեր չեն կարողանում համակերպվել մեծ անհատականություն ունեցող Ժոզե Մոուրինյոյի հետ: Հիշեցնենք, որ երբ պորտուգալացի մասնագետը ստանձնեց իր պաշտոնը, այդ ժամանակ Գուտիի նման մի շարք ֆուտբոլիստներ հեռացան ակումբից, որը Գուտիի համար այդքան էլ հաճելի չէր: Կիսապաշտպանը մադրիդյան Marca պարբերականին տված հարցազրույցի ժամանակ ասել է. "Մադրիդի "Ռեալի" ղեկավարությունը պայմանագիր կնքեց աշխարհի լավագույն մարզչի հետ, սակայն արդյունքում ի՞նչ ստացվեց. նա չափազանց բարձր է գտնվում ակումբի բազմաթիվ ֆուտբոլիստներից, իսկ վերջիններս այդքան էլ լավ չեն հասկանում նրան": Մադրիդյան պարբերականին տված հարցազրույցի ժամանակ "Բեշիքթաշի" 34-ամյա կիսապաշտպանը խոսել է նաև "սերուցքայիների" շարքերը նոր համալրած Էմանուել Ադեբայորի մասին. "Ադեբայորը մեծ ֆուտբոլիստ է և մեծ հարձակվող: Չնայած այն ամենին, ինչ կատարվում է ակումբի ներսում, Ադեբայորն այն գոլահարն է, որի կարիքն ունի Մադրիդը: Յուրաքանչյուրն էլ երազում է հանդես գալ Մադրիդի "Ռեալի" կազմում, քանի որ յուրաքանչյուրի համար պատիվ է խաղալ այնպիսի ֆուտբոլիստների հետ, ինչպիսին են բրազիլացի Կական, գերմանացի Մեսութ Օզիլը, պորտուգալացի Քրիշտիանո Ռոնալդուն":
| |
|
| |
| Total comments: 0 | |