Կատալոնական "Բարսելոնայի" գլխավոր մարզիչ Պեպ Գվարդիոլան մտածում է այն մասին, թե ինչպես օգնի իր երիտասարդ հարձակվողին, որը երկար ժամանակ չի կարողանում գոլի հեղինակ դառնալ: Այս մրցարջանում Բոյանը 16 հանդիպում է անցկացրել կատալոնական ակումբի մարզաշապիկով և ընդամենը երեք գոլ է խփել: Ինքը՝ Կրկիչը, նույնպես հիասթափված է նման արդյունավետությունից. այս մասին տեղեկացնում է կատալոնական El Mundo Deportivo պարբերականը:

Իսպանիայի գավաթի խաղարկությունում "Բետիսից" կրած պարտությունից հետո Բոյանը լրագրողին ասել էր հետևյալը. "Անձամբ ես ուրախ եմ, որ օգնում էի պաշտպանությանը և գնդակ չէի կորցնում": Սակայն նրա դեմքից երևում էր, որ նա շատ է տխրում գոլեր չխփելու պատճառով:

Պեպ Գվարդիոլան փորձում է ֆուտբոլիստին պաշտպանել լրատվամիջոցների քննադատությունից և մտադիր է անել հնարավոր ամեն ինչ, որպեսզի վերադարձնի ֆուտբոլիստի լավագույն մարզավիճակը. "Ես կանգ չեմ առնի, քանի դեռ նրան չեմ դարձնի լավագույն ֆուտբոլիստ":