12:23 Գյումրիի "Շիրակը" լուրջ համալրումներ է ստացել | |
Ինչպես տեղեկացնում է հայկական armsport.am սպորտային կայքը, Գյումրիի «Շիրակն» այսօրվանից
ուսումնամարզական հավաք է անցկացնելու Ավանի ֆուտբոլի դպրոցում` ֆուտբոլային ակադեմիայում: «Շիրակի»
մամուլի քարտուղարությունից հայտնում են, որ թիմը հավաքին
մասնակցելու է 28 ֆուտբոլիստներով: «Շիրակում» մարզվող
ֆուտբոլիստների թվում է նաև Հայաստանի հավաքականի նախկին պաշտպան Եղիշե
Մելիքյանը, ով հայտնի է Երեւանի «Բանանցում» եւ Դոնեցկի «Մետալուրգոււմ»
ունեցած իր ելույթներով: Մելիքյանը թիմին միացել է ամանորյա տոներից հետո եւ
դեռ պայմանագիր չի կնքել «Շիրակի» հետ: Գյումրին ներկայացնող թիմում է նաեւ
Հայաստանի հավաքականի մեկ այլ նախկին ֆուտբոլիստ Արամ Հակոբյանը, ով դեռեւս
դեկտեմբերի սկզբից էր մարզվում «Շիրակում»: Թիմում փորձաշրջան է անցնում նաեւ
«Միկայի» նախկին ֆուտբոլիստ Միքայել Պողոսյանը: Հիշեցնենք, որ դեկտեմբերին «Շիրակ» վերադարձան ակումբի նախկին անդամներ Կարեն Ալեքսանյանը եւ Արմեն Տիգրանյանը: Ավանի ֆուտբոլային ակադեմիայում Սամվել Պետրոսյանի գլխավորած թիմը կանցկացնի 12 օր, որից հետո կուղեւորվի Ծաղկաձոր, իսկ փետրվարի 7-ից երկշաբաթյա հավաքի կմեկնի թուրքական Անթալիա: | |
|
| |
| Total comments: 0 | |