10:43 "Ինտերը" հետզհետե վերականգնվում է | |
| Միլանի "Ինտերը" հիանալի է հանդես գալիս բրազիլացի Լեոնարդոյի ղեկավարությամբ, քանի որ թիմը նրա առաջնորդությամբ անցկացրած հինգ հանդիպումներում տոնել է նույնքան հաղթանակ: Երեկ իտալական ակումբը սեփական հարկի տակ անցկացրեց "Չեզենայի" հետ հետաձգված հանդիպումը, որում վերջինիս նկատմամբ 3-2 հաշվով հաղթանակի հասավ: Հանդիպման առաջին քառորդից հետո "Ինտերը" հաշվի մեջ առաջ անցավ երկու գնդակով, որոնք մրցակցի դարպասն ուղարկեցին Դիեգո Միլիտոն և Սամուել Էտո'ն: Սակայն հյուրերն ամենևին չընկճվեցին և շատ արագ կարողացան հավասարեցնել հաշիվը Բոգդանիի և Ձակերինիի գոլերի շնորհիվ: Հանդիպման վերջնական հաշիվը ձևավորեց "Ինտերի" ռումինացի ֆուտբոլիստ Քրիստիան Կիվուն՝ առաջին խաղակեսի ավելացված ժամանակում գրավելով "Չեզենայի" դարպասը: "Չեզենայի" նկատմամբ տոնած հաղթանակից հետո "Ինտերը" վեց միավորով է ետ մնում առաջատար "Միլանից", սակայն դեռ մեկ խաղ էլ պակաս է անցկացրել: Այժմ արդեն կարող ենք վստահորեն ասել, որ Եվրոպայի և Աշխարհի ակումբային գործող չեմպիոնը ունի լավ հնարավորություն չեմպիոնության համար պայքարելու "Միլանի", "Նապոլիի" և "Լացիոյի" հետ:
Attachments: Նկար 1 | |
|
| |
| Total comments: 0 | |