19:09 Կական վերադառնում է, իսկ "Ռեալը"` հաղթանակ տոնում | |
Իսպանիայի առաջնության 17-րդ տուրում երեկ
կայացան եւս 5 հանդիպումներ: Օրվա գլխավոր խաղը տեղի ունեցավ մադրիդյան արվարձանում, որտեղ Մադրիդի «Ռեալը» հյուրընկալվելիս 3:2 հաշվով
առավելության հասավ արվարձանային «Խետաֆեի» նկատմամբ, որը բավական հաջող է ելույթ
ունենում վերջին շրջանում: "Արքայական" ակումբը խաղի հաշիվը բացեց 11-րդ րոպեին, երբ 11 մետրանոց հարվածն անվրեպ
իրացրեց Կրիշտիանու Ռոնալդուն: 19-րդ րոպեին Մեսութ Օզիլը կրկնապատկեց հաշվի
տարբերությունը: 10 րոպե անց խաղի ինտրիգը վերականգնեց Պարեխոն. «Ռեալի»
նախկին սանը բավական գեղեցիկ գնդակ ուղարկեց Կասիլյասի դարպասը՝
կրճատելով հաշվի տարբերությունը: 57-րդ
րոպեին Ռոնալդուն խաղի հաշիվը դարձրեց 3-1 հօգուտ իր թիմի, եւ թվում էր, թե «Ռեալն» արդեն վճռել է
խաղի ելքը: Սակայն տանտերերը չհանձնվեցին եւ խաղավերջում կարողացան
տհաճություններ պատճառել Մոուրինյոյի թիմին: 82-րդ րոպեին խաղադաշտից
հեռացվեց Արբեոլան, իսկ ընդամենը 3 րոպե անց Խուան Ալբինը կրճատեց հաշվի
տարբերությունը: Քանակական առավելություն ստացած «Խետաֆեն» հոգեբանական
առավելություն ստացավ եւ սկսեց մեծ ուժերով գրոհել, սակայն «Ռեալին»
հաջողվեց պահպանել հաղթական հաշվիը: Պետք
է նշել, որ խաղավերջում «Ռեալի» կազմում փոխարինման դուրս եկավ բրազիլացի
Կական, ով երկար ժամանակ բացակայում էր ծնկային ծանր վնասվածքի պատճառով: Նա լավ տպավորություն թողեց, թեև ընդամենը 18 րոպե անցկացրեց խաղադաշտում: | |
|
| |
| Total comments: 0 | |