08:19 Կառլեն Մկրտչյանին վիրահատություն է սպասում | |
2010թ. Հայաստանի լավագույն ֆուտբոլիստ Կառլեն Մկրտչյանը, ով մասնակցում է Անթալիայում ընթացող Կրասնոդարի "Կուբան" ակումբի ուսումնամարզական հավաքին, վնասվածք է ստացել հունվարի 18-ին կայացած ստուգողական խաղի ժամանակ: Կրասնոդարյան ակումբի պաշտոնական կայքը մեջբերում է թիմի բժիշկ Ալեքսանդր Լինսկիի խոսքերը. "Որոշ ժամանակով մարզումներից ազատվել է մեզ հետ հավաք անցկացնող Կառլեն Մկրտչյանը: Նրան խորհուրդ է տրվել դադար վերցնել աճուկային կապանների բորբոքման սրացման պատճառով": Նշենք, որ Կառլեն Մկրտչյանից բացի նույն հանդիպման ընթացքում տարբեր աստիճանի լրջության վնասվածքներ են ստացել «Կուբանի» ևս երեք ֆուտբոլիստներ: Ավելի մանրազնին բժշկական հետազոտությունից պարզվել է, որ 2010թ. Հայաստանի լավագույն ֆուտբոլիստը բաց կթողնի փետրվարի սկզբին նախատեսված Հայաստանի հավաքականի ուսումնամարզական հավաքը, որը կավարտվի Վրաստանի դեմ ընկերական խաղով: Ռուսական "Սպորտ Էքսպրեսը" տեղեկացնում է, որ աճուկային օղակների հետ կապված խնդիրներ ունեցող Մկրտչյանը, որը մասնակցում է Կրասնոդարի "Կուբանի" ուսումնարզական հավաքին, մոտ ժամանակներս պետք է վիրահատության ենթարկվի Մյունխենում: Հավելենք, որ Մկրտչյանը «Կուբանի» կազմում մասնակցել էր երկու ստուգողական հանդիպման: | |
|
| |
| Total comments: 0 | |