20:08 Ռոբենի ու Մյուլլերի կռիվը բավարիացիների աչքերով | |
Գերմանիայի առաջնության 20-րդ տուրում "Վերդերի" հետ հանդիպմանը "Բավարիայի" հոլանդացի կիսապաշտպան Արյեն Ռոբենը իր
հարաբերություններն է շատ կոշտ ձևով պարզել մյունխենցիների ադամանդ Թոմաս Մյուլլերի հետ: Ռոբենը հանդիպման
երկրորդ խաղակեսում բռնել է Մյուլլերի շնչափողից այն բանից հետո, երբ
վերջինս դժգոհող ժեստերով ցույց է տվել հոլանդացուն,
որ պետք չէ այդքան եսասեր լինել, երբ գնդակը նրա մոտ է հայտնվում: Այդ ամենը տեսավ ողջ աշխարհը, և այսօր մի շարք հայտնի դեմքեր անդրադարձան այս միջադեպին: Նախ խնդրին անդրադարձել է հոլանդացի ֆուտբոլիստը. "Ես ատում եմ, երբ թիմի խաղընկերներս անընդահատ բարձրացնում են ձեռքերը և բողոքում: Դա անհարգալից վերաբերմունք է: Մենք միասնական թիմ ենք: Մենք պետք է օրինակ ծառայենք և այդքան չստորանանք": Իսկ ծանր իրավիճակը փորձել է առաջին հերթին կարգավորել "Բավարիայի" գլխավոր մարզիչ Լուի վան Գալը. "Հոլանդիայի համար սա նորմալ իրավիճակ է: Մենք հաճախակի ենք վիճում միմյանց հետ: Բայց Գերմանիայիում ամեն ինչ այլ կերպ է, Ռոբենին սա պետք էր հաշվի առնել" : Մյունխենի "Բավարիայի" պատվավոր նախագահ Ֆրանց Բեկենբաուերը կարողացել է թիմի ֆուտբոլիստներ Արյեն Ռոբենի և Թոմաս Մյուլլերի վեճի մեջ անգամ որևէ դրական բան տեսնել. "Ինձ համար այս կոնֆլիկտում դրական բան կա. կատարվածը վկայում է, որ թիմն ապրում է, խաղացողները շփվում են միմյանց հետ: Իմ ժամանակ խաղադաշտում ֆուտբոլիստների վեճերը սովորական էին և օրինաչափ: Այդ ամենը խաղի անբաժանելի մասն է կազմում": | |
|
| |
| Total comments: 0 | |