Անգլիական "Մանչեսթեր Սիթիի" իսպանացի կիսապաշտպան Դավիդ Սիլվան խոստովանել է, որ չի ափսոսում հարազատ "Վալենսիայից" "Մանչեսթեր Սիթի" տեղափոխվելու համար: Աշխարհի չեմպիոնը նաև նշել է, որ իրենով հետաքրքրված էին  եղել  նաև "քաղաքաբնակների" հիմնական մրցակից ու ախոյան "Մանչեսթեր Յունայթեդը". "Երբեք լրջորեն չեմ մտածել "Յունայթեդ" տեղափոխվելու մասին: Նրանք ցանկանում էին ինձ գնել մի քանի տարի առաջ, սակայն այդ ժամանակ "Վալենսիան" պատրաստ չէր ինձ վաճառել: Նախորդ ամառ "Վալենսիան" լուրջ ֆինանսական խնդիրներ ունեցավ, և ես ստիպված էի հեռանալ: Ես ընտրեցի "Մանչեսթեր Սիթին», քանի որ նրանք միանգամից հայտարարեցին, որ ինձ վրա հույս են դնում իբրև առացքային խաղացողի: Այդ ընտրության համար ես չեմ ափսոսում":